'వజ్రాయుధం వంటి ఓటును అమ్ముకోవద్దు'

కోదాడలోని త్రివేణి డిగ్రీ కళాశాలలో ఈటీవీ-ఈనాడు ఆధ్వర్యంలో ఓటరు అవగాహన సదస్సు నిర్వహించారు.

సూర్యాపేట జిల్లా కోదాడ పట్టణంలోని త్రివేణి డిగ్రీ కళాశాలలో ఈటీవీ ఈనాడు ఆధ్వర్యంలో ఓటరు అవగాహన సదస్సు నిర్వహించారు. ఈ కార్యక్రమానికి ముఖ్యఅతిథిగా అసిస్టెంట్ ప్రొఫెసర్ వెంకట్, ఓయూ జేఏసీ నాయకుడు కందుల మధు హాజరయ్యారు. యువత ఓటు విలువ తెలుసుకుని బాధ్యతగా ఓటు హక్కును వినియోగించుకోవాలని ప్రిన్సిపల్ సిరికొండ శ్రీనివాస్ సూచించారు.

యువత ప్రలోభాలకు తలొగ్గకుండా ఓటెయ్యాలని అసిస్టెంట్ ప్రొఫెసర్ వెంకట్ చెప్పారు. ఓటు వజ్రాయుధం లాంటిదని, ఓటును యువత సక్రమ మార్గంలో వినియోగించుకోవాలని సిబ్బంది తెలిపారు. ఈటీవీ-ఈనాడు వారి ఆధ్వర్యంలో ఓటుపై అవగాహన కల్పించడం వల్ల తమకు ఎన్నో విషయాలు తెలిశాయని విద్యార్థులు పేర్కొన్నారు.

ఇవీ చూడండి: 20 రోజుల్లో రూ.1,500 కోట్ల మద్యం తాగేశారు!