రామాపురం చెక్​పోస్ట్​ వద్ద భారీగా నిలిచిన వాహనాలు

రాష్ట్ర సరిహద్దుల్లోని అన్ని చెక్​పోస్టులను సర్కారు మూసేసింది. దీనితో తెలంగాణ-ఆంధ్రప్రదేశ్​ సరిహద్దు ప్రాంతమైన కోదాడ రామాపురం చెక్​పోస్టు వద్ద వాహనాలు భారీగా నిలిచిపోయాయి.

తెలంగాణ-ఆంధ్రప్రదేశ్ రాష్ట్ర సరిహద్దు అయిన సూర్యాపేట జిల్లా కోదాడ మండలం రామాపురం చెక్​పోస్ట్​ను కరోనా నియంత్రణ చర్యల్లో భాగంగా అధికారులు మూసివేశారు. దీనితో ఆంధ్రప్రదేశ్​ నుంచి వచ్చే వాహనాలు రెండు కిలోమీటర్ల మేర నిలిచిపోయాయి.

తాము గంటల కొద్ది ఇక్కడ పడిగాపులు కాస్తున్నా అనుమతి ఇవ్వడం లేదని వాహనదారులు పోలీసులతో వాగ్వాదానికి దిగారు. ఎట్టి పరిస్థితుల్లో తెలంగాణ రాష్ట్రంలోకి వాహనాలు అనుమతించేది లేదని పోలీసులు వారితో తేల్చిచెప్పారు. ఈ ఒక్క రోజుకు అనుమతివ్వండి అంటూ ప్రయాణికులు అధికారులను కోరారు.

ఇదీ చూడండి:ప్రభుత్వం ప్రకటించిన లాక్​డౌన్​ మార్గదర్శకాలివే...