కోదాడలో బస్ రోకోకు వెళ్తున్న ఆర్టీసీ కార్మికుల అరెస్ట్

సూర్యాపేట జిల్లా కోదాడలో బస్​ రోకో కార్యాక్రమానికి వెళ్తున్న ఆర్టీసీ కార్మికులను, వామపక్ష నాయకులను పోలీసులు అరెస్ట్ చేసి పోలీస్​స్టేషన్​కు తరలించారు.

తమ డిమాండ్లను పరిష్కరించాలంటూ ఆర్టీసీ కార్మికులు చేపట్టిన సమ్మె 43వ రోజుకు చేరుకుంది. సూర్యాపేట జిల్లా కోదాడలో ఆర్టీసీ ఐకాస తలపెట్టిన బస్​ రోకో కార్యక్రమానికి వెళ్తున్న కార్మికులను పోలీసులు ఎక్కడికక్కడ అరెస్టులు చేశారు. తాము ఎవర్నీ ఇబ్బంది పెట్టకుండా సమ్మె నిర్వహిస్తుంటే పోలీసులు ఇష్టారీతిన అదుపులోకి తీసుకుంటున్నారని కార్మికులు ఆగ్రహం వ్యక్తం చేశారు.