నిరాడంబరంగా తెరాస ఆవిర్భావ వేడుకలు

సూర్యాపేట జిల్లా తిరుమలగిరిలో తెరాస పార్టీ ఆవిర్భావ దినోత్సవం సందర్భంగా ఎమ్మెల్యే గాదరి కిశోర్​ జెండా ఎగురవేశారు. అనంతరం అమరవీరులకు నివాళులు అర్పించారు.

సూర్యాపేట జిల్లా తిరుమలగిరి మున్సిపాలిటీతోపాటు, పలు గ్రామాల్లో తెరాస ఆవిర్భావ దినోత్సవ వేడుకలను పార్టీ శ్రేణులు నిరాడంబరంగా నిర్వహించారు. మండల కేంద్రంలో ఎమ్మెల్యే గాదరి కిశోర్..​ నాయకులతో కలిసి పార్టీ జెండాను ఆవిష్కరించారు. కార్యకర్తలు నివాసాలపై జెండా ఎగురవేసి వేడుకలు చేసుకున్నారని ఎమ్మెల్యే తెలిపారు. కార్యకర్తలకు పార్టీ అండగా ఉంటుందని ఆయన భరోసా ఇచ్చారు. కార్యక్రమంలో పార్టీ రాష్ట్ర ప్రధాన కార్యదర్శి సోమా భరత్ కుమార్ పాల్గొన్నారు.