యాభైవేల మంది ఆర్టీసీ కార్మికులు వారి కుంటుంబాలను రోడ్డుపై పడేసిన దుర్మార్గుడు సీఎం కేసీఆర్ అని టీపీసీసీ చీఫ్ ఉత్తమ్కుమార్రెడ్డి విమర్శించారు. సూర్యాపేట జిల్లా కోదాడ డిపోలోని ఆర్టీసీ కార్మికుల సమ్మెకు ఆయన మద్దతు తెలిపారు. తెరాసకు బుద్ధి చెప్పాలన్నా... ఆ పార్టీని ఓడించాలన్నా కార్మికుల వల్లే అవుతుందని పేర్కొన్నారు. హుజూర్నగర్లో అధికార పార్టీ నేతలు డబ్బు, మద్యాన్ని ఏరులుగా పారిస్తున్నారని ఆరోపించారు. ఆర్టీసీని ముందు నుంచే నిర్లక్ష్యం చేస్తూ... పథకం ప్రకారమే ఎండీని నియమించలేదని ధ్వజమెత్తాడు. హైకోర్టు మొట్టికాయలు వేసినా... ప్రభుత్వానికి బుద్ధి రావడం లేదన్నారు. కాంగ్రెస్ హయాంలో లాభాల్లో ఉన్న ఆర్టీసీని తెరాస ప్రభుత్వం నష్టాల్లోకి నెట్టిందని ఉత్తమ్ మండిపడ్డారు.
'బాధలో ఉన్న వారిపై మంత్రుల విమర్శలా...?'