'పద్మావతిని ఓడించడానికి 700 మంది తెరాస వాళ్లు వచ్చారు'
హుజూర్నగర్ ఉప ఎన్నికలో కాంగ్రెస్ అభ్యర్థి పద్మావతి రెడ్డిని ఓడించడానికి 700 మంది తెరాస వాళ్లు వచ్చారని పీసీసీ అధ్యక్షుడు ఉత్తమ్ కుమార్ రెడ్డి అన్నారు. పద్మావతి రెడ్డి 30వేల మెజార్టీతో గెలుస్తుందని ధీమా వ్యక్తం చేశారు. గెలవక పోతే తాను ఏ శిక్షకైనా సిద్ధమేనని చెప్పారు. హుజూర్నగర్లో భారీ బహిరంగ సభ నిర్వహించారు. తన కృషి వల్లే హుజూర్నగర్ నియోజకవర్గం అభివృద్ధి చెందిందని తెలిపారు. దేశంలో ఏ నియోజకవర్గానికి దక్కని నిధులు హుజూర్‌నగర్‌కు తెచ్చానని పేర్కొన్నారు.