Temperature in TS: తగ్గని భానుడి ప్రతాపం.. పలు జిల్లాల్లో గరిష్ఠ ఉష్ణోగ్రతలు

Temperature in TS: రాష్ట్రంలో ఎండలు ప్రజలను బెంబేలెత్తిస్తున్నాయి. భానుడి ప్రతాపంతో ప్రజలు ఇబ్బందులు పడుతున్నారు. ఇవాళ అత్యధికంగా పలు జిల్లాల్లో 44 డిగ్రీల సెల్సియస్​కు పైగా ఉష్ణోగ్రతలు నమోదయ్యాయి. అటు రాజధానిలోని పలు ప్రాంతాల్లో ఇవాళ వర్షం కురిసింది.

Temperature in TS: రాష్ట్రంలో భానుడు భగభగలు ఇంకా తగ్గడం లేదు. పలు జిల్లాల్లో అత్యధిక ఉష్ణోగ్రతలు నమోదవుతున్నాయి. ఏదైనా పని నిమిత్తం బయటకు వెళ్లలేక ఇంటికే పరిమితమవుతున్నారు. అత్యవసరం అయితే తప్ప.. ప్రయాణాలకూ దూరంగానే ఉంటున్నారు. తాజాగా సూర్యాపేట, ఖమ్మం, కరీంనగర్​ జిల్లాల్లోని పలు మండలాల్లో 44 డిగ్రీలకు పైగా ఉష్ణోగ్రతలు నమోదయ్యాయి

పలు జిల్లాల్లో గరిష్ఠ ఉష్ణోగ్రతలు

రాష్ట్రంలో ఉష్ణోగ్రతలు ఇలా..:సూర్యాపేట జిల్లా మునగాల, ఖమ్మం జిల్లా మధిర, చింతకాని, కరీంనగర్​ జిల్లా జమ్మికుంట మండలాల్లో అత్యధికంగా 44.1 డిగ్రీల సెల్సియస్ ఉష్ణోగ్రతలు నమోదయ్యాయి. ఖమ్మం జిల్లాలోని రావినూతలలోనూ 44 డిగ్రీల సెల్సియస్ ఉష్ణోగ్రత నమోదైంది. రాష్ట్రవ్యాప్తంగా పలు జిల్లాల్లో నలభై డిగ్రీలకు పైగా ఉష్ణోగ్రతలు నమోదైనట్లు వాతావరణశాఖ వెల్లడించింది.

హైదరాబాద్​లో వర్షం:ఒకవైపు ఎండలు దంచికొడుతుంటే.. మరోవైపు హైదరాబాద్‌లోని పలు ప్రాంతాల్లో ఇవాళ వర్షం కురిసింది. గచ్చిబౌలి, సరూర్​నగర్​, నాంపల్లి, అంబర్​పేట్ ప్రాంతాల్లో ఈదురుగాలులతో కూడిన వాన దంచికొట్టింది.

ఇవీ చూడండి:రెండు, మూడు నెలల్లో సంచలన వార్త చెప్తా..: సీఎం కేసీఆర్​