రాష్ట్రంలో ప్రవేశపెట్టిన ప్రైవేట్ యూనివర్సిటీల బిల్లును వెంటనే రద్దు చేయాలని మహాజన స్టూడెంట్ యూనియన్ నియోజకవర్గ ఇంఛార్జ్ భూషిపాక గణేశ్ డిమాండ్ చేశారు. ఈ మేరకు సూర్యాపేట జిల్లా నాగారం మండలంలోని ఈటూరులో పాదయాత్ర చేపట్టారు. ఈటూరు నుంచి ప్రారంభమైన పాదయాత్ర మాచిరెడ్డిపల్లి, వర్ధమానుకోట గ్రామాల మీదుగా ఆదివారం నాగారం చేరుకుంది.
ప్రైవేట్ యూనివర్సిటీల బిల్లును రద్దు చేయాలంటూ పాదయాత్ర - march in suryapet for cancellation of Private Universities Bill
ప్రైవేట్ యూనివర్సిటీల బిల్లును రద్దు చేయాలని డిమాండ్ చేస్తూ మహాజన స్టూడెంట్ యూనియన్ ఆధ్వర్యంలో సూర్యాపేటలో పాదయాత్ర చేపట్టారు. ఈ సందర్భంగా ప్రభుత్వానికి వ్యతిరేకంగా నినాదాలు చేశారు.
ప్రైవేట్ యూనివర్సిటీల బిల్లును రద్దు చేయాలంటూ పాదయాత్ర
ఎస్సీ, ఎస్టీ, మైనార్టీలకు ఏమాత్రం ఉపయోగం లేని ఈ బిల్లును వెంటనే రద్దు చేయాలని గణేశ్ డిమాండ్ చేశారు. అప్పటి వరకు తమ పోరాటం ఆగదని స్పష్టం చేశారు. కార్యక్రమంలో ఎమ్.ఎస్.ఎఫ్ రాష్ట్ర ఉపాధ్యక్షులు బొజ్జ సైదులు, నియోజకవర్గ ఇంఛార్జ్ తడకమల్ల రవి కుమార్, చిప్పలపల్లి సోమ శేఖర్, రాజేశ్, ప్రభాస్, భాను ప్రసాద్, ప్రవీన్, నవీన్, సురేశ్ తదితరులు పాల్గొన్నారు.
ఇదీ చూడండి: కాంక్రీట్‌ వేస్తుండగా కూలిన స్లాబ్.. పది మందికి గాయాలు