గరికపాడు చెక్​పోస్టు వద్ద కొనసాగుతున్న ఆందోళనలు

ఏపీ తెలంగాణ సరిహద్దు గరికపాడు చెక్​పోస్టు వద్ద తెలంగాణ పోలీసుల తనిఖీలు కొనసాగుతున్నాయి. ఏపీ నుంచి వచ్చే అంబులెన్సులను పోలీసులు అడ్డుకుంటున్నారు.

గరికపాడు చెక్‌పోస్టు వద్ద తెలంగాణ పోలీసుల తనిఖీలు కొనసాగుతున్నాయి. ఏపీ నుంచి హైదరాబాద్​కు వెళ్లే అంబులెన్సులను నిలిపివేస్తున్నారు. మార్గం మధ్యలోనే అంబులెన్సుల్లో కరోనా బాధితులు పడిగాపులు కాయాల్సి వస్తోంది.

హైదరాబాద్‌లో బెడ్‌ కేటాయింపు ఉంటేనే అనుమతిస్తున్నారు. చరవాణిలో అమమతి పత్రాలుంటే పోలీసులు అనుమతించడం లేదు. ప్రాణాపాయ స్థితిలో ఆక్సిజన్​తో వెళ్తున్న వారిపై కూడా పోలీసులు కనికరం చూపకపోవడంతో రోగుల బంధువులు ఆవేదన వ్యక్తం చేస్తున్నారు.

ఇదీ చదవండి:తిరుపతి రుయా ఆస్పత్రిలో ఘటనపై గవర్నర్‌ దిగ్భ్రాంతి