ఇంటింటికీ జ్వర సర్వేను పరిశీలించిన కలెక్టర్

సూర్యాపేట జిల్లా నూతనకల్ గ్రామ పంచాయతీలో రెవెన్యూ, పంచాయతీ రాజ్, వైద్యారోగ్యశాఖ ఉమ్మడిగా నిర్వహిస్తున్న ఇంటింటికీ జ్వర సర్వేను జిల్లా కలెక్టర్ వినయ్ క్రిష్ణారెడ్డి పరిశీలించారు.

సూర్యాపేట జిల్లా నూతనకల్​లో నిర్వహిస్తున్న ఇంటింటికీ జ్వర సర్వేను కలెక్టర్ వినయ్​ క్రిష్ణారెడ్డి పరిశీలించారు. ఇంటింటికీ తిరిగి వారి కుటుంబ ఆరోగ్య పరిస్థితులను గురించి అడిగి తెలుసుకున్నారు. ప్రజలు అర్ధరాత్రి ఫోన్ చేసినా అధికారులు వెంటనే స్పందించి వైద్యసదుపాయాలు కల్పించాలని సూచించారు. ఒక ఇంట్లో జ్వరం వచ్చిందంటే... ఆ ఇంటిని సర్వేచేసిన టీంకు వారి పూర్తి సమాచారం తెలిసి ఉండాలని కలెక్టర్ అన్నారు.

కరోనా నిర్ధారణ పరీక్షల వరకు వేచి చూడకుండా... లక్షణాలున్న వారికి ముందస్తుగా కిట్లు అందజేయాలని కలెక్టర్ వినయ్ క్రిష్ణారెడ్డి తెలిపారు. వారు ఆ కిట్లను ఉపయోగిస్తున్నారో లేదో నిత్యం పర్యవేక్షించాలని సూచించారు. సర్వే చేసే అధికారులు విధుల పట్ల నిర్లక్ష్యం వహిస్తే కఠిన చర్యలు తీసుకుంటామని కలెక్టర్ హెచ్చరించారు. ఈ కార్యక్రమంలో తహసీల్దార్ జమీరోగ్టన్, ఎంపీడీవో ఇందిర, మండల వైద్యాధికారిని త్రివేణి, గ్రామపంచాయతీ కార్యదర్శి వీరబోయిన రాజేశీయాదవ్ పాల్గొన్నారు.

ఇదీ చదవండి:కంటతడి పెట్టిస్తున్న కానిస్టేబుల్ వీడియో