పచ్చదనంతో ఆరోగ్యకరమైన జీవితం

పరిసరాలు పచ్చదనంతో నిండి ఉంటే అక్కడ ఆరోగ్యకరమైన వాతావరణం ఉంటుందని సూర్యాపేట కలెక్టర్ వినయ్​ కృష్ణారెడ్డి అన్నారు. మద్దిరాల మండల కేంద్రంలో గల నర్సరీని ఆకస్మిక తనిఖీ చేశారు.

సూర్యాపేట జిల్లా మద్దిరాల మండలంలో కలెక్టర్ వినయ్​ కృష్ణారెడ్డి పర్యటించారు. మండలకేంద్రంలోని నర్సరీని పరిశీలించారు. రైతులు కోరిన మొక్కలను వారికి అందించాలని నర్సరీ నిర్వాహకులకు సూచించారు. అనంతరం తహసీల్దార్ కార్యాలయంలో భూ దస్త్రాలు పరిశీలించారు. పెండింగ్​లో ఉన్న పట్టాదారు పాసుపుస్తకాలు రైతులకు అందించాలని, ఎలాంటి సమస్యలు తలెత్తకుండా చూసుకోవాలని ఆదేశించారు.

కలెక్టర్ వెంట తహసీల్దార్ రాంప్రసాద్, ఎంపీడీఓ సరోజ, సర్పంచ్ ఇంతియాజ్, మండల వ్యవసాయ అధికారిణి దివ్య, జిల్లా రైతు బంధు సమితి సమన్వయకర్త రజాక్ ఉన్నారు.

• ఇవీ చూడండి:సీఎం కేసీఆర్​కు కేంద్రమంత్రి కిషన్​రెడ్డి లేఖ