'అధిక ధరలకు విక్రయిస్తే కఠిన చర్యలు తప్పవు'

నిత్యావసరాలు అధిక ధరలకు విక్రయిస్తే కఠిన చర్యలు తీసుకుంటామని హుజూర్​నగర్ మున్సిపల్ కమిషనర్ నాగిరెడ్డి హెచ్చరించారు. హుజూరాబాద్ చేపల మార్కెట్లో అధిక ధరలకు చేపలు విక్రయిస్తున్న వ్యాపారులకు వెయ్యి రూపాయల చొప్పున జరిమానా విధించారు.

సూర్యాపేట జిల్లా హుజూర్​నగర్​లో మున్సిపల్ కమిషనర్ నాగిరెడ్డి పర్యటించారు. నగరంలోని మార్కెట్​తోా వివిధ దుకాణాలను పర్యవేక్షించారు. చేపల మార్కెట్లో చేపలు అధిక ధరలకు విక్రయిస్తున్నారన్న ఆరోపణలపై విచారించి అధిక ధరలకు విక్రయిస్తోన్న ఇద్దరి వ్యాపారులకు అక్కడిక్కడే వెయ్యి రూపాయల చొప్పున జరిమానా విధించారు. వ్యాపారస్తులు అధిక ధరలకు విక్రయిస్తే జరిమానాతోపాటు, కఠిన చర్యలు తీసుకొంటామని హెచ్చరించారు. దుకాణాల వద్ద కొనుగోలు చేస్తున్న ప్రజలు, దుకాణాదారులు సామాజిక దూరం పాటించాలని తెలిపారు.

ఇదీ చూడండి:కూడూ లేదు.. గూడూ లేదు.. సొంతూరుకు వెళ్లాల్సిందే