యాదవులు ఇలవేల్పుగా భావించే లింగమంతుల స్వామి జాతర అంగరంగ వైభవంగా జరుగుతోంది. నిన్న రాత్రి కేసారం నుంచి పెద్దగుట్టకు దేవరపెట్టె తరలిరావడంతో మొదలైన వేడుకలు... భక్తుల కోలాహలం మధ్య భక్తిశ్రద్ధలతో కొనసాగుతున్నాయి. గంపలు నెత్తినెత్తుకొని బోనాలు సమర్పించేందుకు మహిళలు బారులు తీరారు. లింగమంతులస్వామి, చౌడమ్మ తల్లిని దర్శించుకుని ప్రత్యేక పూజలు నిర్వహిస్తున్నారు. మేడారం తర్వాత రెండో అతిపెద్ద జాతరగా భావించే పెద్దగట్టు జాతరలో ... సంప్రదాయ డోలు వాయిద్యాలు, బేరీల చప్పుళ్లతో గుట్ట పరిసరాలు మార్మోగుతున్నాయి.
దర్శించుకున్న మంత్రులు
మంత్రులు తలసాని శ్రీనివాస్‌యాదవ్‌, జగదీశ్‌రెడ్డి సహా పలువురు ప్రజాప్రతినిధులు ఇవాళ దేవదేవుళ్లను దర్శించుకుని ప్రత్యేక పూజలు చేశారు. జాతర ఏర్పాట్లుకు సంబంధించిన వివరాలను అడిగి తెలుసుకున్నారు. భక్తులకు ఎలాంటి అసౌకర్యం కలగకుండా చూడాలని అధికారులను ఆదేశించారు.