పదిహేను రోజుల లాక్​డౌన్ ప్రకటించిన షాపులు

హుజూర్​నగర్ మున్సిపాలిటీ పరిధిలోని అన్ని వ్యాపార వాణిజ్య సముదాయాలు ఇవాళ నుంచి ఆగస్టు 14వరకు లాక్​డౌన్​ ప్రకటించాయి. మున్సిపాలిటీ కార్యవర్గం నిర్ణయానికి అన్ని వాణిజ్య వ్యాపార సంస్థలు మద్దతు తెలిపాయి.

సూర్యాపేట జిల్లా హుజూర్​నగర్ మున్సిపాలిటీ పరిధిలో ఇవాళ నుంచి పదిహేను రోజుల పాటు లాక్​డౌన్​ పాటించాలని మున్సిపాలిటీ కార్యవర్గం నిర్ణయించింది. దీనికి స్థానిక వాణిజ్య వ్యాపార సంస్థలు మద్దతు తెలిపాయి. ప్రతిరోజు ఉదయం 10 గంటల వరకు మాత్రమే దుకాణాలు అందుబాటులో ఉంటాయి. 10 గంటల తర్వాత ఎవరైనా షాపులు తెరిస్తే జరిమానా విధిస్తామని మున్సిపల్​ అధికారులు హెచ్చరించారు.

వైరస్​ వ్యాప్తిని కొంతవరకైనా నివారించవచ్చని ఈ నిర్ణయం తీసుకున్నామని తెలిపారు. ఏదైనా అత్యవసరమైతే స్పెషల్ టీం ద్వారా సహాయం చేస్తాయని మున్సిపల్ అధికారులు వివరించారు.

ఇదీ చూడండి:'అమెరికా అధ్యక్షుడిగా గెలిస్తే భారత్​కే అధిక ప్రాధాన్యం'