సూర్యాపేట జిల్లా కేంద్రంలోని చారిత్రక పిల్లలమర్రి శివాలయంలో మహా శివరాత్రి వేడుకలు ఘనంగా జరిగాయి. ఎరకేశ్వర ఆలయంలో భక్తులు భారీ సంఖ్యలో పాల్గొని సామూహిక అభిషేకాలు నిర్వహించారు. స్వామి వారి కల్యాణం తిలకించేందుకు భక్తులు పెద్ద ఎత్తున హాజరయ్యారు. శివనామస్మరణతో పిల్లలమర్రి పరిసరాలు మారుమోగాయి.
ఉమ్మడి నల్గొండ జిల్లాతో పాటు హైదరాబాద్ తదితర సమీప ప్రాంతాల నుంచి భక్తులు భారీగా తరలివచ్చి స్వామి వారికి మొక్కులు చెల్లించుకున్నారు.