సూర్యాపేటలో కల్నల్ సంతోష్ బాబు విగ్రహనికి కేంద్రమంత్రి కిషన్రెడ్డి నివాళులు అర్పించారు. అనంతరం కిషన్ రెడ్డి జన ఆశీర్వాద యాత్రలో భాగంగా రెండో రోజు యాత్ర ప్రారంభించారు. అక్కడ నుంచి సూర్యాపేటలోని చింతల చెరువులో జాతీయ ఉత్తమ పారిశుద్ధ్య కార్మికురాలు అవార్డు గ్రహీత మెరుగు మారుతమ్మ ఇంటికి వెళ్లారు. అక్కడ అల్పాహారం చేసిన కిషన్ రెడ్డి... ఆమెను సన్మానించారు. జాతీయ అవార్డు పొందిన పారిశుద్ధ్య కార్మికురాలు ఇంట్లో అల్పాహారం తినడం ఆనందంగా ఉందని కిషన్ తెలిపారు. కరోనా సమయంలో ఆమె ఒక్కరోజు కూడా సెలవు తీసుకోకుండా విధులు నిర్వర్తించారని అభినందించారు.
కేంద్ర ప్రభుత్వంలో పని చేసేలా ప్రధాని నరేంద్ర మోదీ నాకు అవకాశం ఇచ్చారు. ప్రజల నుంచి మరిన్ని ఆశీర్వాదాలు పొంది... కేంద్రం మరిన్ని పథకాలు ప్రవేశపెట్టాలి. ప్రజల ఆశీర్వాదం కోసమే ఈ జన ఆశీర్వాద యాత్ర ప్రారంభించాం. ఈ యాత్రలో కేంద్ర ప్రభుత్వం ప్రవేశపెట్టిన సంక్షేమ పథకాలను ప్రజలకు వివరించాలని ప్రధాని ఆదేశించారు. రైతులు, దేశం కోసం ప్రాణాలు అర్పించిన కుటుంబాలను కలవాలని సూచించారు. జాతీయ అవార్డు పొందిన పారిశుద్ధ్య కార్మికురాలు మారుతమ్మ ఇంట్లో అల్ఫాహారం తీసుకున్నాను. కొవిడ్ సమయంలో ఆమె ఒక్క రోజు సెలవు తీసుకోకుండా విధులు నిర్వర్తించారు. ఆమెను గుర్తించిన కేంద్ర ప్రభుత్వం ఆమెను ఉత్తమ పారిశుద్ధ్య కార్మికురాలిగా గుర్తించి అవార్డు అందించింది. కొవిడ్ను అరికట్టాలంటే ప్రజల సహకారం కావాలి. కరోనా వ్యాక్సిన్ను అందించడంలో ప్రభుత్వం సఫలమవుతోంది. చిన్నారులకు సైతం వ్యాక్సిన్ అందేలా పరిశోధనలు జరిగాయి. అవి మంచి ఫలితాలు ఇచ్చాయి. త్వరలోనే 18 ఏళ్లు లోపు వారికి కూడా వ్యాక్సినేషన్ ప్రధాని మోదీ ప్రారంభిస్తారు.
-కేంద్రమంత్రి కిషన్ రెడ్డి
కల్నల్ సంతోష్ బాబుకు నివాళి అర్పించి.. యాత్ర ప్రారంభించి