పొదుపు డబ్బులను దోచుకెళ్లిన దొంగలు

దాచుకున్న పొదుపు డబ్బులను ఇద్దరు దుండగులు దోచుకెళ్లారు. ఓ ఇంట్లోకి చొరబడి మహిళను కొట్టి నగదుతో పరారయ్యారు. ఈ సంఘటన సూర్యాపేట జిల్లా మఠంపల్లి మండల కేంద్రంలో చోటుచేసుకుంది.

సూర్యాపేట జిల్లా మఠంపల్లి మండల కేంద్రంలో గోలి లక్ష్మారెడ్డి ఇంట్లో చోరీ జరిగింది. తన భార్య సంధ్య ఓ మహిళా సంఘంలో లీడర్​గా పనిచేస్తుంది. ఈ రోజు పొదుపు డబ్బులు తీసుకొచ్చి ఇంట్లో పెట్టింది.

గుర్తుతెలియని ఇద్దరు దుండగులు ఇంట్లోకి చొరబడి మహిళను కొట్టి నగదుతో పరారయ్యారని సమాచారం. పోలీస్​స్టేషన్​లో ఫిర్యాదు చేయగా కేసు నమోదు చేసి దర్యాప్తు చేస్తున్నట్లు సీఐ రాఘవరావు తెలిపారు.

ఇదీ చూడండి :స్టూడెంట్​ నుంచి లంచం..అడ్డంగా దొరికిన ప్రిన్సిపాల్