అక్కను అనుమానిస్తున్నాడని బావను చంపిన బావమరిది

బావ తిడ్తున్నాడు, కొడ్తున్నాడంటూ అక్క చెప్పిన మాటలకు... బావ మీద కోపం పెంచుకొని ద్విచక్రనాహనంతో ఢీకొట్టి మరీ చంపాడో బావమరిది. ఈ ఘటన పై  మృతుడి తండ్రి పోలీసులకు ఫిర్యాదు చేశాడు.

సూర్యాపేట జిల్లా చివ్వెంల మండలం కుడకుడ గ్రామంలో నివాసముంటున్న పగిళ్ళ సంపత్ కారు డ్రైవర్​గా జీవనం కొనసాగిస్తున్నాడు. అతనికి భార్య, ఇద్దరు కూతుళ్లు ఒక కుమారుడు ఉన్నారు. అయితే గత కొంత కాలంగా అతని భార్య జ్యోతి పరాయి వ్యక్తితో వివాహేతర సంబంధం పెట్టుకుందని సంపత్ అనుమానించాడు. ఇదే విషయమై భార్యతో చాలా రోజులుగా గొడవపతున్నాడు. ఈ విషయంపై ఇటీవల భార్యాభర్తలిద్దరి మధ్య మరోసారి గొడవ జరిగింది.

కోపంలో సంపత్ జ్యోతిపై చేయిచేసుకున్నాడు. ఆమె పుట్టింటికి వెళ్లిపోయింది. భర్త సంపత్ అనుమానిస్తున్న తీరుపై​ కుటుంబ సభ్యులకు చెప్పింది. జ్యోతి సోదరుడు సురేష్.. తన బావపై కోపం పెంచుకున్నాడు. ఈ నెల 4వ తేదీన సూర్యాపేటలో బావ సంపత్​ను ద్విచక్ర వాహనంతో ఢీకొట్టాడు. తీవ్రగాయాలపాలైన సంపత్ హైదరాబాద్​లోని ఓ ప్రైవేటు ఆసుపత్రిలో చికిత్స పొందుతూ మృతి చెందాడు. మృతుడు సంపత్ తండ్రి పగిళ్ళ వెంకన్న ఫిర్యాదు మేరకు పోలీసులు కేసు నమోదు చేశారు.

ఇవీ చూడండి: అన్నదాతల ఆత్మహత్యల్లో నాలుగో స్థానంలో తెలంగాణ