'బండి సంజయ్ చేసిన అనుచిత వ్యాఖ్యలను వెనక్కి తీసుకోవాలి'

హుజూర్​నగర్​ అభివృద్ధిని చూసి భాజపా నాయకులు జీర్ణించుకోలేకపోతున్నారని తెరాస ఎమ్మెల్యేలు శానంపూడి సైదిరెడ్డి, బొల్లం మల్లయ్య యాదవ్​ విమర్శించారు. హుజూర్​నగర్​ అభివృద్ధిపై భాజపా రాష్ట్ర అధ్యక్షుడు బండి సంజయ్ చేసిన అనుచిత వ్యాఖ్యలను వెంటనే వెనక్కి తీసుకోవాలని డిమాండ్​ చేశారు.

దుబ్బాక ఉప ఎన్నికల ప్రచారంలో భాగంగా హుజూర్​నగర్​ అభివృద్ధిపై భాజపా రాష్ట్ర అధ్యక్షుడు బండి సంజయ్ చేసిన అనుచిత వ్యాఖ్యలను వెంటనే వెనక్కి తీసుకోవాలని తెరాస ఎమ్మెల్యేలు శానంపూడి సైదిరెడ్డి, బొల్లం మల్లయ్య యాదవ్​ డిమాండ్ చేశారు. సూర్యాపేట జిల్లా కోదాడ పట్టణంలోని ఎమ్మెల్యే క్యాంపు కార్యాలయంలో ఏర్పాటు చేసిన సమావేశంలో నాయకులు పాల్గొన్నారు.

హుజూర్​నగర్​ నియోజకవర్గంలో జరిగిన అభివృద్ధిని చూసి భాజపా నాయకులు జీర్ణించుకోలేకపోతున్నారని ఎమ్మెల్యేలు మండిపడ్డారు. దుబ్బాకలో భాజపాకు డిపాజిట్ కూడా దక్కదని ఎమ్మెల్యే శానంపూడి సైదిరెడ్డి ఎద్దేవా చేశారు. హుజూర్​నగర్ ఎన్నికల్లో భాజపాకు 2,600 ఓట్లు మాత్రమే వచ్చాయని గుర్తు చేశారు. బండి సంజయ్ నోరు తెరిస్తే అబద్ధాలు చెప్తూ ప్రజలను తప్పుదోవ పట్టిస్తున్నారని ఆగ్రహం వ్యక్తం చేశారు.