'దేవాదుల ద్వారా 13,500 ఎకరాలకు సాగునీరు'

సూర్యాపేట జిల్లా తిరుమలగిరి మండలకేంద్రంలో జరిగిన సర్వసభ్య సమావేశంలో ఎమ్మెల్యే గాదరి కిశోర్​కుమార్​ పాల్గొని.. వివిధ శాఖ అధికారులతో మాట్లాడారు. దేవాదుల ప్రాజెక్టు ద్వారా తిరుమలగిరి మండలానికి 13,500 ఎకరాలకు నీరు వస్తుందని ఎమ్మెల్యే అన్నారు.

దేవాదుల ప్రాజెక్టు ద్వారా 13,500 ఎకరాలకు సాగు నీరు అందించనున్నట్లు తుంగతుర్తి ఎమ్మెల్యే గాదరి కిశోర్​కుమార్​ వెల్లడించారు. సూర్యాపేట జిల్లా తిరుమలగిరి మండలకేంద్రంలో జరిగిన సర్వసభ్య సమావేశంలో ఆయన పాల్గొన్నారు. వివిధ శాఖ అధికారులతో మాట్లాడి.. తమ నివేదికలను అడిగి తెలుసుకున్నారు. అనంతరం తిరుమలగిరి మున్సిపాలిటీలో పారిశుద్ధ్య ట్రాక్టర్​ను ఛైర్​పర్సన్​కు అందజేశారు. వీధి వ్యాపారులకు గుర్తింపు కార్డులను ఇచ్చారు.

కాళేశ్వరం ప్రాజెక్టు ద్వారా మొట్టమొదట తుంగతుర్తి రైతులే లబ్ధి పొందినట్లు ఎమ్మెల్యే తెలిపారు. కరోనా వేగంగా విస్తరిస్తున్నా రైతులకు ఎలాంటి ఇబ్బంది కలగకూడదనే లక్ష్యంతో ముఖ్యమంత్రి కేసీఆర్​ పండించిన ప్రతి గింజను మద్దతు ధరకు కొన్నారని గాదరి కిశోర్​ అన్నారు. తిరుమలగిరి మండలానికి దేవాదుల ప్రాజెక్టు ద్వారా 13,500 ఎకరాలకు నీరు వస్తుందన్నారు. కొవిడ్ కట్టడి చర్యల్లో భాగంగా ప్రతి ఒక్కరూ మాస్కులు, శానిటైజర్లు వాడుతూ భౌతికదూరం పాటించాలని ఎమ్మెల్యే కోరారు.

ఇదీ చూడండి:యుద్ధ వ్యూహాలతో శత్రు దేశాలను ఎదుర్కొందాం : సీఎం కేసీఆర్‌