సైదిరెడ్డి పుట్టినరోజున "లీడర్​మేట్​" వెబ్ పోర్టల్​ను ఆవిష్కరించిన మంత్రి కేటీఆర్

సూర్యాపేట జిల్లా హుజూర్​నగర్ ఎమ్మెల్యే శానంపూడి సైదిరెడ్డి జన్మదినోత్సవం సందర్భంగా 'లీడర్​ మేట్' వెబ్​పోర్టల్​ను మంత్రి కేటీఆర్ ఆవిష్కరించారు. ప్రభుత్వ పథకాల వివరాలు, పట్టణ, గ్రామ స్థాయిలో అభివృద్ధి పనుల వివరాలను అందులో పొందుపర్చనున్నారు.

రాష్ట్రంలో తొలిసారిగా ప్రభుత్వ సంక్షేమ పథకాలు, నియోజకవర్గ అభివృద్ధి పనులను ప్రజలకు చేరువ చేసేందుకు రూపొందించిన "లీడర్​మేట్​" వెబ్ పోర్టల్​ను మంత్రి కేటీఆర్ ఆవిష్కరించారు. హుజూర్​నగర్ ఎమ్మెల్యే శానంపూడి సైదిరెడ్డి జన్మదినం సందర్భంగా ఐటీ శాఖ మంత్రి కల్వకుంట్ల తారకరామారావు ఆవిష్కరించారు.

సంక్షేమ పథకాలు ప్రజల్లోకే...

సాంకేతికతను అభివృద్ధి చేయడం వల్ల రాష్ట్ర ప్రభుత్వం అమలు చేస్తున్న సంక్షేమ పథకాలను నేరుగా ప్రజల్లోకే తీసుకుపోయే అవకాశం ఉంటుందని మంత్రి కేటీఆర్ అన్నారు. "లీడర్​మేట్" వెబ్ పోర్టల్ అన్ని రకాలగా ఉపయోగపడుతుందని మంత్రి చెప్పుకొచ్చారు. కార్యక్రమంలో వెబ్​పోర్టల్ డెవలపర్ విశాల్ తదితరులు పాల్గొన్నారు.

ఫిర్యాదులు స్వీకరించే విధంగా...

నియోజకవర్గంలోని ప్రభుత్వ పథకాల వివరాలు, పట్టణ, గ్రామ స్థాయిలో అభివృద్ధి పనుల వివరాలు , సీఎంఆర్​ఎఫ్, పార్టీ ఇన్సూరెన్స్ లబ్ధిదారుల వివరాలు, రక్తదాతల వివరాలు, నియోజవర్గ శాసనసభ్యుల రోజువారీ కార్యక్రమాల వివరాలు, ప్రజల నుంచి ఫిర్యాదులు స్వీకరించే విధంగా రూపొందించామని ఎమ్మెల్యే సైదిరెడ్డి వివరించారు.

ఇవీ చూడండి : ఉస్మానియాకు సంబంధించిన అన్ని వ్యాజ్యాలు కలిపి విచారిస్తాం: హైకోర్టు