కోదాడలో భాజపా విజయోత్సవ ర్యాలీ

దేశవ్యాప్తంగా మోదీ మరోసారి ప్రభంజనం సృష్టించారని... భాజపాకి భారత్​లో తిరుగులేదని కాషాయనేతలు హర్షం వ్యక్తం చేశారు. సూర్యాపేట జిల్లా కోదాడలో కార్యకర్తలు విజయోత్సవ ర్యాలీ నిర్వహించి స్వీట్లు పంచుకున్నారు.

సూర్యాపేట జిల్లా కోదాడలో భాజపా కార్యకర్తలు ర్యాలీ నిర్వహించి టపాసులు పేల్చి, స్వీట్లు పంచుకున్నారు. దేశవ్యాప్తంగా కమలం మంచి ఫలితాలు సాధించిందని... భవిష్యత్తులో తెలంగాణలో కూడా భారతీయ జనతా పార్టీ అధికారంలోకి వస్తుందని ఆశాభావం వ్యక్తం చేశారు. నరేంద్ర మోదీ పరిపాలనపై దేశ ప్రజలు విశ్వాసంతో ఉన్నారని అందుకే 'ఫిర్ ఏక్ బార్ మోదీ సర్కార్' అంటూ గెలిపించారని వ్యాఖ్యానించారు.