రైతు బాంధవుడు సీఎం కేసీఆర్​: సూర్యాపేట జిల్లా రైతు బంధు సమితి అధ్యక్షుడు

ముఖ్యమంత్రి కేసీఆర్​ దేశంలో ఏ రాష్ట్రంలో లేని విధంగా రైతుల కోసం అనేక సంక్షేమ పథకాలు ప్రవేశపెడుతున్నారని సూర్యాపేట జిల్లా రైతు బంధు సమితి అధ్యక్షులు ఎస్​ఏ.రజాక్​ అన్నారు. సూర్యాపేట జిల్లాలోని గోరెంట్ల గ్రామంలో రైతు వేదిక నిర్మాణ పనులకు ఆయన శంకుస్థాపన చేశారు.

రైతుల కోసం అహర్నిశలు కష్టపడుతూ దేశంలోనే సీఎం కేసీఆర్ మొదటి శ్రేణిలో నిలుస్తున్నారని సూర్యాపేట జిల్లా రైతు బంధు సమితి అధ్యక్షులు ఎస్​ఏ.రజాక్ అన్నారు. సూర్యాపేట జిల్లా మద్దిరాల మండలం గోరెంట్ల గ్రామంలో రైతు వేదిక నిర్మాణ పనులకు శంకుస్థాపన చేశారు. ప్రభుత్వ భూమిలో ప్రతి క్లస్టర్​కు 22 లక్షల రూపాయలతో మండలంలోని మూడు క్లస్టర్లలోలో రైతు వేదిక నిర్మాణ పనులు చేస్తున్నట్లు తెలిపారు.

రైతువేదికలను రైతులు సద్వినియోగం చేసుకుంటే రానున్న రోజుల్లో ఏ రైతు అప్పుల బారిన పడరని ఆయన అన్నారు. ముఖ్యమంత్రి కేసీఆర్​ దేశంలో ఏ రాష్ట్రంలో లేని విధంగా రైతుల కోసం అనేక సంక్షేమ పథకాలు ప్రవేశపెడుతున్నారని అన్నారు. ముఖ్యమంత్రి కేసీఆర్​ రైతు బాంధవుడని రజాక్​ పేర్కొన్నారు. ఈ కార్యక్రమంలో ఎంపీపీ గుడ్ల ఉపేంద్ర, పీఏసీఎస్ ఛైర్మన్ కనకటి వెంకన్న, వైస్ ఎంపీపీ బెజ్జంకి శ్రీరామ్ రెడ్డి, సర్పంచ్ దామర్ల వెంకన్న, ఎంపీటీసీ సభ్యులు శిరంశెట్టి వెంకన్న, తహసీల్దార్ రాంప్రసాద్, ఎంపీడీవో సరోజ, ఏఈ నవకాంత్, ఏవో దివ్య , తదితరులు పాల్గొన్నారు.

ఇవీ చూడండి: రైతు వేదిక నిర్మాణానికి మంత్రి పువ్వాడ శంకుస్థాపన