సాగు చట్టాలపై కేసీఆర్ ఎందుకు నోరెత్తడం లేదు: వీహెచ్

సాగుచట్టాలను అమలుచేయబోమని అసెంబ్లీలో తీర్మానం చేయాలని కాంగ్రెస్​ సీనియర్​ నేత వీహెచ్​ డిమాండ్​ చేశారు. నూతన చట్టాలకు వ్యతిరేకంగా భారత్​ బంద్​లో పాల్గొన్న మంత్రులు, తెరాస నేతలు.. ఆ తర్వాత ఎందుకు మాట్లాడడం మానేశారని ప్రశ్నించారు.

నూతన వ్యవసాయ చట్టాల రద్దు కోరుతూ రైతుల చేస్తున్న ఆందోళనపై ప్రధానమంత్రి నరేంద్ర మోదీ నిర్లక్ష్యంగా వ్యవహరిస్తున్నారని కాంగ్రెస్​ సీనియర్​ నేత వి.హనుమంతరావు ఆరోపించారు. కేంద్ర ప్రభుత్వ విధానాలు రాజ్యాంగ స్ఫూర్తికి విరుద్ధంగా ఉన్నాయన్నారు.

నూతన సాగు చట్టాలకు వ్యతిరేకంగా భారత్ బంద్​లో పాల్గొన్న రాష్ట్ర మంత్రులు, తెరాస నేతలు.. ఎందుకు మాట మార్చారని మండిపడ్డారు. ఆ చట్టాలపై ఎందుకు మాట్లాడడం లేదని ప్రశ్నించారు. ముఖ్యమంత్రి కేసీఆర్ హైదరాబాదులో ఒకలా.. దిల్లీలో మరోలో ఉంటారని ఎద్దేవా చేశారు. వ్యవసాయ చట్టాలను అమలుచేయబోమని శాసనసభలో తీర్మానం చేయాలని డిమాండ్​ చేశారు.

కల్నల్​ సంతోష్​బాబు తల్లితండ్రులకు సత్కారం..

మాజీ ప్రధానమంత్రి పీవీ నరసింహారావుకు ఇచ్చిన ప్రాధాన్యతే తెలుగువాడైన పింగళి వెంకయ్యకూ ఇవ్వాలని కోరారు. భారత్​ చైనా సరిహద్దుల్లో వీరమరణం పొందిన కల్నల్ సంతోష్​బాబు తల్లిదండ్రులను వీహెచ్ సత్కరించారు. ఆయన దేశభక్తిని ప్రశంసించారు.

కల్నల్​ సంతోష్​బాబు తల్లితండ్రులకు సత్కారం

ఇవీచూడండి:ఎర్రకోటపై రైతుల జెండా