కరోనాను కట్టడి చేయడంలో టీఆర్ఎస్ ప్రభుత్వం పూర్తిగా విఫలమైందని టీపీసీసీ రాష్ట్ర అధికార ప్రతినిధి అల్లం ప్రభాకర్ రెడ్డి అన్నారు. ఐఎన్టీయుసి రాష్ట్ర ప్రధాన కార్యదర్శి యరగాని నాగన్న గౌడ్తో కలిసి ఆయన సూర్యాపేట జిల్లాలోని ఇందిరా భవన్లో కార్యకర్తల సమావేశంలో పాల్గొన్నారు. రాష్ట్ర ప్రభుత్వం ప్రజారోగ్యాన్ని పూర్తిగా గాలికి వదిలేసిందని, కరోనా పట్ల అప్రమత్తంగా ఉండాలని ప్రభుత్వానికి కాంగ్రెస్ సూచనలు ఇస్తే.. తెరాస నాయకులు అపహాస్యం చేశారని ఎద్దేవా చేశారు. ప్రజలంతా చైతన్యమై సీఎం కేసిఆర్ నిరంకుశ, ప్రజా వ్యతిరేక విధానాలను తిప్పికొట్టాలని పిలుపునిచ్చారు.
కరోనా నివారణలో రాష్ట్ర ప్రభుత్వం విఫలం: అల్లం ప్రభాకర్ - కరోనా వైరస్
కరోనా వైరస్ను కట్టడి చేయడంలో టీఆర్ఎస్ ప్రభుత్వం పూర్తిగా విఫలమైందని టీపీసీసీ రాష్ట్ర అధికార ప్రతినిధి అల్లం ప్రభాకర్ రెడ్డి ఆరోపించారు. సూర్యాపేట జిల్లా హుజూర్ నగర్లోని ఇందిరా భవన్లో ఏర్పాటు చేసిన కార్యకర్తల సమావేశంలో ఆయన పాల్గొన్నారు. ప్రభుత్వం ఆదుకుంటుదన్న అపోహలు నమ్మి.. మోసపోయేకంటే.. ప్రజలే అప్రమత్తంగా ఉండడం మేలన్నారు.
‘కరోనా నివారణలో రాష్ట్ర ప్రభుత్వం విఫలం’
అసంఘటితరంగ కార్మికుల బ్యాంకు ఖాతాల్లో రూ.10 వేల నగదు జమ చేయాలని డిమాండ్ చేశారు. గ్రామీణ ప్రాంతాలలో కరోనా టెస్టులు చేసి, ప్రాంతీయ ఆస్పత్రుల్లో మౌలిక వసతులు కల్పించాలని డిమాండ్ చేశారు. సమావేశంలో పట్టణ కాంగ్రెస్ అధ్యక్షులు తన్నీరు మల్లిఖార్జున్, సుంకర శివరాం, కోలపూడి మోహాన్ తదితరులు పాల్గొన్నారు.
ఇదీ చూడండి:యాదాద్రి ఆలయ పనుల పరిశీలన.. పురోగతిపై ఆరా