కరోనా నియంత్రణ ప్రతి ఒక్కరి బాధ్యత: కోదాడ రూరల్ సీఐ

కరోనా వైరస్ వ్యాప్తిని నిరోధించడానికి సూర్యాపేట జిల్లా కలెక్టర్ పటిష్ఠ చర్యలు తీసుకుంటున్నారు. రాష్ట్రంలోని విదేశీయుల్లో కరోనా కేసులు అధికంగా నమోదవుతున్నందున జిల్లా సరిహద్దులో తనఖీలు నిర్వహిస్తున్నారు.

సూర్యాపేట జిల్లా కలెక్టర్​ ఆదేశాలనుసారం తెలంగాణ, ఆంధ్ర సరిహద్దు ప్రాంతమైన కోదాడ మండలం రామాపురం క్రాస్ రోడ్ వద్ద పోలీసు, రవాణా, వైద్య, రెవిన్యూ సిబ్బంది ముమ్మర తనిఖీలు నిర్వహిస్తున్నారు. ముఖ్యంగా విదేశాల నుంచి వచ్చేవారిని గుర్తించి ప్రత్యేక పరీక్షలు నిర్వహిస్తున్నారు. ప్రయాణికులకు కొవిడ్​-19 వైరస్​ నివారణ చర్యలపై అవగాహన కల్పిస్తున్నారు.

రామాపురం క్రాస్​ రోడ్డు తెలుగు రాష్ట్రాల సరిహద్దు ప్రాంతం అయినందున అధికారులు అప్రమత్తమయ్యారు. ఈ రోజు నుంచి ఏపీ నుంచి వచ్చే ప్రయాణికులకూ పూర్తిస్థాయిలో పరీక్షలు నిర్వహిస్తామని అధికారులు పేర్కొన్నారు. కరోనా వైరస్ పై ప్రజలు పూర్తి స్థాయిలో అవగాహన కలిగి ఉండాలని... తగిన జాగ్రత్తలతో కొవిడ్​-19ను నివారించవచ్చని కోదాడ రూరల్ సీఐ శివరాం రెడ్డి తెలిపారు.

ఇదీ చూడండి:జనతా కర్ఫ్యూ: దేశవ్యాప్తంగా నిలిచిపోనున్న రైళ్లు