రాష్ట్రంలో మరో 3 కరోనా పాజిటివ్​ కేసులు

16:10 April 14

రాష్ట్రంలో మరో 3 కరోనా పాజిటివ్​ కేసులు

తెలంగాణలో కరోనా మహమ్మారి విజృంభిస్తోంది. ఇవాళ సూర్యాపేట జిల్లాలో మరో 3 పాజిటివ్​ కేసులు నమోదైనట్లు కలెక్టర్​ వినయ్​ కృష్ణా రెడ్డి తెలిపారు. మొత్తం 80 నమూనాలను పరీక్షించగా... సూర్యాపేటలో ఇద్దరికి, తిరుమలగిరిలో ఒకరికి కరోనా లక్షణాలు ఉన్నట్లు నిర్ధరణ జరిగిందని పేర్కొన్నారు. ఇప్పటివరకు జిల్లాలో కేసుల సంఖ్య 23కు చేరింది.  

          ఈ ముగ్గురూ... ఇంతకుముందు బాధితుల వల్లే వైరస్ బారిన పడ్డారు. సూర్యాపేట  పురపాలికలో 44 వార్డులకు గాను 15 వార్డుల్ని రెడ్ జోన్లుగా ప్రకటించారు. ప్రాథమిక, రెండో దశ కాంటాక్ట్​లకు సంబంధించిన వ్యక్తులందర్నీ క్వారంటైన్​కు తరలించారు. తిరుమలగిరి, నేరేడుచర్లలో పురపాలక సిబ్బంది ఇల్లిల్లూ తిరిగి సర్వే నిర్వహిస్తున్నారు. మెుత్తంగా రాష్ట్రంలో కరోనా పాజిటివ్​ కేసుల సంఖ్య 595కు చేరింది.