కారు జోరుకు సూర్యాపేట సలాం

సూర్యాపేట జిల్లా ప్రాదేశిక ఫలితాల్లో అధికార తెరాస అత్యధిక స్థానాలు గెలుపొంది జడ్పీ స్థానాన్ని కైవసం చేసుకొంది. 235 ఎంపీటీసీ స్థానాలకు గానూ 143 చోట్ల తెరాస అభ్యర్థులు విజయం సాధించారు. కాంగ్రెస్​తో సహా ఇతర పార్టీలు ఆశించిన స్థాయిలో స్థానాలు దక్కించుకోలేకపోయాయి.

సూర్యాపేట జిల్లా స్థానిక సంస్థల ఫలితాల్లో కారు జోరుకు ప్రతిపక్షాలు పక్కకు తప్పుకున్నాయి. మొత్తం 235 ఎంపీటీసీ స్థానాలకు గాను.. తెరాస 143 చోట్ల విజయం సాధించింది. కాంగ్రెస్​ 75 సీట్లలో గెలిచి రెండో స్థానంలో నిలిచిపోయింది. భాజపా, తెదేపా, వామపక్షాలు చెరో మూడు చోట్ల గెలుపొందారు. ఇతరులు ఎనిమిది స్థానాలు దక్కించుకున్నారు.

23 జిల్లా పరిషత్​ స్థానాల్లో అత్యధికంగా తెరాస 20 స్థానాల్లో గులాబీ జెండా ఎగురవేసింది. కాంగ్రెస్​ కేవలం మూడు సీట్లకు మాత్రమే పరిమితమైంది. ఇతర పార్టీలు ఖాతాలు కూడా తెరవలేకపోయాయి. భారీ విజయంతో గులాబీ శ్రేణులు పెద్ద ఎత్తున సంబురాల్లో మునిగిపోయారు.

	తెరాస	కాంగ్రెస్​	భాజపా	ఇతరులు	మొత్తం
జడ్పీటీసీ	20	3	0	0	23
ఎంపీటీసీ	143	75	3	14	235

మండలాల వారీగా ఫలితాలు

మండలం	తెరాస	కాంగ్రెస్​	భాజపా	ఇతరులు	మొత్తం
అనంతగిరి	4	5	0	0	9
ఆత్మకూర్(ఎస్)	12	3	0	0	15
చిలుకూర్	6	2	0	4	12
చింతలపాలెం	6	2	0	0	8
చివ్వెంల	4	3	0	3	10
గరిడేపల్లి	12	4	0	0	16
హుజూర్​ నగర్	4	3	0	0	7
జాజిరెడ్డిగూడెం	7	1	0	0	8
కోదాడ	7	4	0	0	11
మద్దిరాల	7	2	0	0	9
మఠంపల్లి	10	3	0	0	13
మేళ్లచెర్వు	2	9	0	1	12
మోతె	10	2	0	1	13
మునగాల	5	7	0	1	13
నడిగూడెం	6	2	0	0	8
నాగారం	4	4	0	0	8
నేరేడుచెర్ల	3	4	0	0	7
నూతనకల్​	7	2	0	1	10
పాలకీడు	2	4	0	1	7
పెన్​పహాడ్​	7	2	0	2	11
సూర్యాపేట	7	3	0	0	10
తుంగతుర్తి	8	1	3	0	12
తిరుమలగిరి	3	3	0	0	6

ఇవీ చూడండి: కారుకు ఎదురులేదు... ఫలితాలు ఏకపక్షం