తండాలో పోలీసుల తనిఖీలు.. 90 బస్తాల నల్లబెల్లం స్వాధీనం

సూర్యాపేట జిల్లా తుంగతుర్తి మండల పరిధిలో ఉన్న ఏనేకుంట తండాలో పోలీసులు తనిఖీలు నిర్వహించారు. ఈ దాడిలో రూ.5లక్షల విలువైన 90బస్తాల నల్లబెల్లం స్వాధీనం చేసుకున్నారు.

సూర్యాపేట జిల్లా తుంగతుర్తి మండల పరిధిలో ఉన్న ఏనేకుంట తండాలో పోలీసులు తనిఖీలు నిర్వహించారు. ఈ సోదాల్లో నాటుసారా తయారీకి వినియోగించే నల్లబెల్లాన్ని భారీ మొత్తంలో స్వాధీనం చేసుకున్నారు . గ్రామానికి చెందిన బానోతు దేవేందర్​ ఇంట్లో దాదాపు 90 బస్తాల నల్లబెల్లాన్ని స్వాధీనం చేసుకున్నట్లు తుంగతుర్తి ఎస్సై శ్రీకాంత్​ గౌడ్​ వెల్లడించారు.

దీని విలువ రూ.5లక్షలు ఉంటుందని తెలిపారు. నిందితుడిపై కేసు నమోదు చేసిన పోలీసులు స్టేషన్​కు తరలించారు. నల్లబెల్లం విక్రయించే వారిపై కఠిన చర్యలు తీసుకుంటామని హెచ్చరించారు.