కలెక్టరేట్​ ఎదుట భవన నిర్మాణ కార్మికుల ఆందోళన

తమ సమస్యలను పరిష్కరించాలని డిమాండ్​ చేస్తూ సిద్దిపేట కలెక్టర్ కార్యాలయం ఎదుట భవన నిర్మాణ కార్మికులు ఆందోళనకు దిగారు.

సిద్దిపేట జిల్లా కలెక్టరేట్ ఎదుట భవన నిర్మాణ కార్మికులు ఆందోళనకు దిగారు. ఎలాంటి ఆంక్షలు లేకుండా భవన నిర్మాణ కార్మికులకు పథకాలు మంజూరు చేయాలని కోరారు. 55 సంవత్సరాలు నిండిన కార్మికులందరికీ రూ. 3000 పింఛన్​ అందించాలని డిమాండ్​ చేశారు. సంక్షేమ బోర్డులో పేరు నమోదు చేసుకున్నా అధికారులు ఆంక్షలు విధిస్తూ లబ్ధిదారులకు అన్యాయం చేస్తున్నారని వాపోయారు. అనంతరం జిల్లా పాలనాధికారికి వినతిపత్రం అందజేశారు.