విచిత్ర వేషధారణలతో...కరోనా కట్టడి ప్రచారం

కొవిడ్​-19 కట్టడి కోసం పలు ప్రాంతాల్లో రకరకాలుగా ప్రచారం చేస్తున్నారు. ఈ నేపథ్యంలో సిద్దిపేట జిల్లా హుస్నాబాద్​లో ఓ కళాకారుల బృందం విచిత్ర వేషధారణలతో కరోనా వ్యాధి గురించి ప్రచారం చేశారు. ప్రధాన రోడ్లపై వచ్చిన వాహనదారులకు పలు సూచనలు చేస్తూ ఆకట్టుకుంటున్నారు.

కరోనా వైరస్ నివారణ చర్యల్లో భాగంగా సిద్దిపేట జిల్లా హుస్నాబాద్​లో ఓ కళాకారుల బృందం వాహనదారులకు అవగాహన కల్పించారు. పోలీసులు, మున్సిపాలిటీ ఆధ్వర్యంలో ప్రధాన కూడళ్లలో యమధర్మరాజు, చిత్రగుప్తుడు, కరోనా భూతం, భటుడి వేషాలలో రోడ్లపై వెళ్తున్న వారికి కొవిడ్​-19పై వివరించారు. అనవసరంగా ఇళ్ల నుంచి బయటకు రావద్దన్నారు. నిబంధనలకు విరుద్ధంగా రోడ్లపైకి వచ్చిన వాహనాలను పోలీసులు సీజ్ చేశారు.

కేంద్ర రాష్ట్ర ప్రభుత్వాలు విధించిన లాక్​డౌన్ నిబంధనలను ప్రజలు కచ్ఛితంగా పాటించాలన్నారు. అత్యవసరమైతే తప్ప ఇళ్ల నుండి బయటకు రావద్దన్నారు. విచిత్ర వేషధారణలతో ప్రజలకు అవగాహన కల్పిస్తున్న కళాకారులను ఎస్సై సుధాకర్ అభినందించారు.

ఇదీ చూడండి :ఎగ్జిబిషన్​ మైదానంలో అన్నీ ఫ్రీ