కొండపోచమ్మ సాగర్‌ను గోదావరి జలాలతో నింపేందుకు నిర్దేశించిన అక్కారం పంపు హౌజ్‌ వద్ద ఎత్తిపోతలను అధికారులు సోమవారం రాత్రి షురూ చేశారు. మోటార్ల ప్రయోగాత్మక పరిశీలన పాలనాధికారి వెంకటరామరెడ్డి పర్యవేక్షణలో కొనసాగింది.
ఇప్పటికే తుక్కాపూర్‌ పంప్‌హౌజ్‌ నుంచి గోదావరి జలాలు అక్కారం సర్జిపూల్‌కు చేరిన విషయం తెలిసిందే. ఇక్కడ ఏర్పాటు చేసిన ఆరు మోటార్లలో ఒకదాంతో నీటిని ఎత్తిపోసే ప్రక్రియ ప్రారంభం అయ్యింది. అంతకు ముందు అధికారులు, ఇంజినీర్లు పూజలు చేశారు.