బల్వంతపూర్, దుంపలపల్లిలో భాజపా ఇంటింటి ప్రచారం

సిద్దిపేట జిల్లా దుబ్బాక మండలం బల్వంతపూర్​, దుంపలపల్లిలో భాజపా రాష్ట్ర కార్యదర్శి రఘునందన్​రావు ఇంటింటి ప్రచారం నిర్వహించారు. కేంద్ర ప్రభుత్వ నిధులతోనే రాష్ట్రంలో అభివృద్ధి జరుగుతుందని ఆయన ఆరోపించారు.

సిద్దిపేట జిల్లా దుబ్బాక మండలం బల్వంతపూర్​, దుంపలపల్లి గ్రామాల్లో భాజపా రాష్ట్ర కార్యదర్శి రఘునందన్​రావు భాజపా పార్టీ జెండాను ఆవిష్కరించి ఇంటింటా ప్రచారం చేశారు. కార్యక్రమంలో భాజపా పార్టీ నాయకులు, కార్యకర్తలు పాల్గొన్నారు. నరేంద్ర మోదీ ప్రభుత్వం విడుదల చేసిన నిధులతోనే తెలంగాణలో అభివృద్ధి జరుగుతోందని రఘునందన్​రావు అన్నారు.

తెలంగాణ రాష్ట్రానికి ఏం కావాలో తనకే తెలుసని.. తుమ్మల నాగేశ్వరరావు, మంత్రి తలసానికి తెలీవని రఘునందన్​రావు దుయ్యబట్టారు. దిల్లీ నిధులతోనే పింఛన్​ వస్తోందని.. సీఎం కేసీఆర్, మంత్రి హరీశ్​రావు ఏం ఇవ్వట్లేదని ఆరోపించారు.

ఇదీ చూడండి:ఎట్లా పోవాలి.. శాశ్వత పరిష్కారానికి ఇంకెన్నేళ్లు..?