ఉపాధి హామీ పనుల్లో సాఫ్ట్​వేర్​ ఇంజినీర్​

లాక్​డౌన్​ వల్ల ఇంటి నుంచే విధులు నిర్వర్తిస్తున్న సిద్దిపేట జిల్లా అక్కన్నపేట మండలానికి చెందిన ఓ సాఫ్ట్​వేర్​ ఇంజినీర్​ ఉపాధి హామీ పనులకు వెళ్తున్నాడు. శరీరం, మనసు ఉల్లాసంగా ఉండడానికే తాను ఈ పనులకు వెళ్తున్నట్లు ఆయన చెప్పాడు.

సిద్దిపేట జిల్లా అక్కన్నపేట మండలం కేశవాపూర్ గ్రామానికి చెందిన గంధపు శ్రీకాంత్​ అనే సాఫ్ట్​వేర్​ ఇంజినీర్​ ఉపాధి హామీ పనుల్లో పాల్గొంటున్నాడు. లాక్​డౌన్​ కారణంగా కొన్ని సాఫ్ట్​వేర్ కంపెనీలు ఇంటి నుంచి పని చేసుకోవడానికి అవకాశమిచ్చాయి. ఈ తరుణంలో హైదరాబాద్​లో సాఫ్ట్​వేర్ ఇంజినీర్​గా పనిచేస్తున్న శ్రీకాంత్ కుటుంబ కార్డుపై కేశవాపూర్​లో ఉపాధి హామీ పనుల్లో పాల్గొంటున్నాడు. శరీరం, మనసు ఉత్సాహంగా ఉండటానికి ఉపాధి హామీ పనుల్లో పాల్గొంటున్నానని ఆయన తెలిపాడు.

ఇదీ చూడండి :విద్యారంగానికి కరోనా- పరీక్షల నిర్వహణపై అయోమయం!