RTC Controller: ఓ కుటుంబం ఆకలి తీర్చిన ఆర్టీసీ కంట్రోలర్

కరోనా కట్టడికి విధించిన లాక్​డౌన్​తో వలసజీవులంతా స్వస్థలాలకు బయలుదేరుతున్నారు. ఆంక్షల వల్ల కొందరు మార్గమధ్యలోనే కొట్టుమిట్టాడుతున్నారు. ఓవైపు ఎండ.. మరోవైపు ఆకలితో అలమటిస్తున్నారు. అలా పదిరోజుల క్రితం వేరే ఊరు వెళ్లి తిరుగు ప్రయాణంలో లాక్​డౌన్ వల్ల మధ్యలోనే ఆగిపోయిన ఓ కుటుంబానికి ఆర్టీసీ కంట్రోలర్(RTC Controller) చేయూతనందించారు. వారి ఆకలి తీర్చారు.

సిద్దిపేట జిల్లా హుస్నాబాద్​ పట్టణంలో ఓ కుటుంబం గోదావరిఖనికి వెళ్లేందుకు బస్టాండ్​ వద్దకు వచ్చింది. లాక్​డౌన్ వల్ల బస్సు దొరకక.. తిరిగి ఇంటికి వెళ్లలేక అక్కడే ఉదయం నుంచి ఉన్నారు. బస్టాండ్​లో సాయంత్రంపూట లైట్లు వేసేందుకు వచ్చిన ఆర్టీసీ బస్టాండ్ కంట్రోలర్(RTC Controller) తిరుమల రావు.. ఆ కుటుంబాన్ని గమనించి ఆరా తీశారు.

గోదావరిఖని నుంచి పది రోజుల క్రితం జనగామ జిల్లా మచ్చుపహాడుకు పోయామని తిరుగు ప్రయాణంలో హుస్నాబాద్​కు చేరుకున్నామని.. 10 గంటల తర్వాత లాక్​డౌన్ కనుక గోదావరిఖనికి వెళ్లేందుకు ప్రైవేట్ వాహనాలు కూడా అందుబాటులో లేకపోవడంతో అక్కడే ఉండిపోయామని చెప్పారు. తినేందుకు తిండి కూడా లేక ఇబ్బంది పడుతున్న వారికి కంట్రోలర్ తిరుమల రావు భోజనం పెట్టారు. కరోనా కష్టకాలంలో తమ ఆకలి తీర్చిన కంట్రోలర్​కు ఆ కుటుంబ సభ్యులు కృతజ్ఞతలు తెలిపారు.

• ఇదీ చూడండి :COVID vaccine: త్వరలో అందుబాటులోకి మరో టీకా!