అంతా రామమయం: శ్రీరాముడి మాస్కులతో అలరించిన యువత

సిద్దిపేట జిల్లా మిరుదొడ్డి మండల కేంద్రమంతా రామమయం అన్నట్లుగా మారింది. ఎటు చూసినా కాషాయ జెండాలు చెవులు మారుమోగేలా రామనామస్మరణలతో.. ముఖాలకు రాముడి చిత్రంతో కూడిన మాస్కులు ధరించి యువకులు రామభక్తిని చాటారు.

అయోధ్యలో శ్రీరామ మందిర నిర్మాణానికి భూమి పూజను పురస్కరించుకుని సిద్దిపేట జిల్లా మిడిదొడ్డి మండల కేంద్రంలో యువత గ్రామంలో పెద్ద ఎత్తున కాషాయ తోరణాలు, జెండాలు అలంకరించారు.

కరోనావైరస్ వల్ల ప్రతి ఒక్కరూ మాస్కులు ధరించాల్సిన పరిస్థితి ఏర్పడినందున యువత రాముడి చిత్రంతో కూడిన మాస్కులు ధరించి ప్రత్యేక ఆకర్షణగా నిలిచారు. గ్రామమంతా పండుగ వాతావరణంతో కాషాయ జెండాలతో నిండిపోయింది. ఈ కార్యక్రమంలో భాజపా రాష్ట్ర కిసాన్​ మోర్చా ఉపాధ్యక్షులు తోట కమలాకర్ రెడ్డి, తదితరులు పాల్గొన్నారు.

ఇవీచూడండి :రామన్నకు... చిరునవ్వుతో ఓ కానుక