హుస్నాబాద్​లో పేదలకు అండగా నిలిచిన పోలీసులు

సిద్దిపేట జిల్లా హుస్నాబాద్​లో లాక్​డౌన్​ కారణంగా ఇబ్బందులు పడుతున్న పేదప్రజలకు పోలీసులు నిత్యావసర సరుకులతోపాటు మాస్కులను పంపిణీ చేశారు. ప్రజల సహకారంతో డివిజన్​ పరిధిలో ఒక్క కరోనా పాజిటివ్​ కేసు కూడా నమోదు కాలేదని ఏసీపీ మహేందర్​ పేర్కొన్నారు.

సిద్దిపేట జిల్లాలో పేద ప్రజలకు పోలీసులు నిత్యం సేవలు అందిస్తూ అండగా ఉంటారని హుస్నాబాద్​ ఏసీపీ మహేందర్​ పేర్కొన్నారు. హుస్నాబాద్​ మండలం గాంధీనగర్ గ్రామం​లో నిరుపేద ప్రజలకు జనవికాస గ్రామీణాభివృద్ధి సంస్థ ఆధ్వర్యంలో నిత్యావసర సరకులు, మాస్కులను అందజేశారు.

కరోనా వ్యాధి నేపథ్యంలో ప్రభుత్వం లాక్‌డౌన్‌ ప్రకటించినందున గాంధీనగర్​ వాసులు తీవ్ర ఇబ్బందులు ఎదుర్కొంటున్నట్లు గుర్తించి నిత్యావసర సరకులు అందించినట్లు తెలిపారు. పోలీసులు కష్టకాలంలో విధులు నిర్వహించటంతో పాటు పేదలను ఆదుకునే సామాజిక కార్యక్రమాలు నిర్వహిస్తున్నట్లు పేర్కొన్నారు. కార్యక్రమంలో సర్పంచ్ దుండ్ర భారతి, పోలీసు సిబ్బంది పాల్గొన్నారు.