చేపలవేటకు వెళ్లి విద్యుదాఘాతంతో యువకుడు మృతి

విద్యుత్​ షాక్​తో చేపలను పట్టేందుకు వెళ్లి విద్యుదాఘాతంతో యువకుడు మృతి చెందిన ఘటన సిద్దిపేట జిల్లా హుస్నాబాద్​ మండలం మహ్మదాపూర్​లో జరిగింది.

సిద్దిపేట జిల్లా హుస్నాబాద్​ మండలం మహ్మదాపూర్​ గ్రామంలో విద్యుదాఘాతంతో యువకుడు వేముల అఖిల్​ మృతి చెందాడు. మరో ఇద్దరు యువకులు విద్యుత్ షాక్​తో చేపలను పట్టేందుకు చెరువు వద్దకు వెళ్లారు. సర్వీస్​ వైరును విద్యుత్ తీగలకు తగిలించి నీటిలో వదులుతుండగా ప్రమాదవశాత్తు షాక్​కు గురై అఖిల్ మృతి చెందాడు.

మిగిలిన ఇద్దరు యువకులు అతన్ని బయటకు తీసి గ్రామస్థులకు సమాచారం అందించారు. పోలీసులు ఘటనాస్థలానికి చేరుకుని మృతదేహాన్ని పోస్టుమార్టం కోసం ఆస్పత్రికి తరలించారు. యువకుని మృతితో గ్రామంలో విషాదఛాయలు అలుముకున్నాయి.

ఇదీ చూడండి : దివ్య శోభల యాదాద్రి - తుది దశకు పనులు