అనాథ బాలల సామూహిక పుట్టినరోజు వేడుకలు

హుస్నాబాద్ బాలవికాస కేంద్రంలో అనాథ బాలలకు సామూహిక జన్మదిన వేడుకలు నిర్వహించారు. పిల్లలకు ఆర్థికంగా అండగా ఉంటామని ప్రజాప్రతినిధులు హామీ ఇచ్చారు. అనంతరం నిర్వహించిన సాంస్కృతిక కార్యక్రమాలు అందరినీ అలరించాయి.

సిద్దిపేట జిల్లా హుస్నాబాద్​లో బాలవికాస సంస్థలో 12 మంది అనాథ బాలల సామూహిక జన్మదిన వేడుకలు ఘనంగా నిర్వహించారు. ఈ కార్యక్రమానికి మున్సిపల్ వైస్ ఛైర్​పర్సన్​ అనిత, కౌన్సిలర్లు, మార్కెట్ కమిటీ ఛైర్మన్ తిరుపతి రెడ్డి హాజరయ్యారు. బాలవికాస మహిళా సభ్యుల సమక్షంలో సంస్థ మేనేజర్ లత... పిల్లల చేత కేట్​ కట్​ చేయించారు.

తల్లిదండ్రులు లేని బాధ సభలో పంచుకోవడంతో... అక్కడున్నవారంతా కంటతడి పెట్టారు. పిల్లల పోషణ, చదువులకు ఆర్థిక సాయం అందిస్తామని మున్సిపల్ వైస్​ ఛైర్​పర్సన్​, కౌన్సిలర్లు, మార్కెట్ కమిటీ ఛైర్మన్​ భరోసా ఇచ్చారు. అనంతరం ఏర్పాటు చేసిన సాంస్కృతిక కార్యక్రమాల్లో... వైస్​ ఛైర్మన్​, కౌన్సిలర్లు నృత్యాలు చేసి అందరినీ అలరించారు.

ఇదీ చూడండి:దక్షిణాసియా బెస్ట్ డిజిటల్ న్యూస్ స్టార్టప్ 'ఈటీవీ భారత్‌'