మాయమాటలతో ప్రజలను మోసగిస్తున్నారు: రేవంత్ రెడ్డి

మాయమాటలు చెప్పి తెరాస ప్రభుత్వం ప్రజలను మోసం చేస్తోందని ఎంపీ రేవంత్ రెడ్డి వ్యాఖ్యానించారు. దుబ్బాకలో అభివృద్ధి కాంగ్రెస్​తోనే సాధ్యమవుతోందని ఆయన పేర్కొన్నారు.

దుబ్బాక ఉప ఎన్నిక ప్రచారం ఊపందుకుంది. మిడిదొడ్డి మండలం అల్వాలలో కాంగ్రెస్‌ అభ్యర్థి తరఫున ఎంపీ రేవంత్‌ రెడ్డి ప్రచారం చేశారు. రోడ్​ షో నిర్వహిస్తూ.. శ్రీనివాస్​ రెడ్డిని గెలిపించాలని అభ్యర్థించారు. దుబ్బాక అభివృద్ధి కాంగ్రెస్​తోనే సాధ్యమవుతోందని రేవంత్​రెడ్డి పేర్కొన్నారు.

ముత్యం రెడ్డి బతికున్నన్ని రోజులు దుబ్బాక నియోజకవర్గం అభివృద్ధి కోసం కృషి చేశారని... ఆయన ఆశయం నెరవేర్చేందుకు తన కొడుకు శ్రీనివాస్​ రెడ్డిని పంపారని తెలిపారు. తెరాస ప్రభుత్వం ప్రజలకు మాయమాటలు చెప్పి మోసం చేస్తోందని ఆరోపించారు.

ఇదీ చూడండి:తెరాసకు బుద్ధి చెప్పే సమయం వచ్చింది: ఉత్తమ్