కరోనాపై ప్రజల్లో అవగాహన కల్పించేందుకు మెదక్ ఎంపీ కొత్త ప్రభాకర్ రెడ్డి గుర్రంపై ర్యాలీ నిర్వహించారు. సిద్దిపేట జిల్లా కేంద్రంలో అంబేడ్కర్ చౌరస్తా నుంచి ఈ ర్యాలీ చేపట్టారు.
ప్రపంచాన్ని గడగడలాడిస్తున్న కరోనా వైరస్ను అరికట్టేందుకు ప్రజలందరూ తగిన జాగ్రత్తలు తీసుకోవాలని ఎంపీ సూచించారు. మాస్కులు ధరించి, భౌతిక దూరం పాటించాలని విజ్ఞప్తి చేశారు. కరోనా నియంత్రణకు స్వీయ రక్షణే సరైన మార్గమని వీధివీధిలో అవగాహన కల్పించినట్లు చెప్పారు.