'అర్హులందరికీ రూ. 2వేలు, బియ్యం అందేలా చూడాలి'

ప్రైవేటు అధ్యాపకులకు రాష్ట్ర ప్రభుత్వం అందిస్తున్న జీవన భృతిపై సిద్దిపేట జిల్లా అధికారులతో మంత్రి హరీశ్​ రావు సమీక్ష నిర్వహించారు. అర్హులందరికీ భృతి, రేషన్​ అందేలా అధికారులు చర్యలు తీసుకోవాలని ఆదేశించారు.

కొవిడ్​ కష్ట కాలంలో ఉద్యోగాలు కోల్పోయిన ప్రైవేటు ఉపాధ్యాయులకు జీవనభృతి అందించేందుకు సీఎం కేసీఆర్..​ మానవతా దృక్పథంతో జీవనభృతి నిర్ణయం తీసుకున్నారని మంత్రి హరీశ్​ రావు అన్నారు. సిద్దిపేట జిల్లాలోని ప్రైవేట్‌ విద్యాసంస్థల్లో పనిచేస్తున్న టీచింగ్‌, నాన్‌టీచింగ్‌ సిబ్బందికి ప్రభుత్వం అందిస్తున్న జీవనభృతిపై సంబంధిత అధికారులతో మంత్రి సమీక్ష నిర్వహించారు. జిల్లా విద్యాశాఖ అధికారులు, ప్రైవేటు​ ఉపాధ్యాయ సంఘాలు, యాజమాన్యాలతో కలిసి కలెక్టరేట్​లో సమావేశం నిర్వహించారు.

దేశవ్యాప్తంగా చూసుకుంటే ఈ కార్యక్రమం చేపడుతున్న ఏకైక రాష్ట్రం తెలంగాణ అని మంత్రి పేర్కొన్నారు. అర్హులందరికీ రూ. 2 వేలు, 25 కిలోల బియ్యం అందేలా చర్యలు తీసుకోవాలని హరీశ్​ రావు ఆదేశించారు.

ఇదీ చదవండి:జలశక్తి శాఖను సంప్రదించండి.. కాళేశ్వరంపై పిటిషనర్​కు ఎన్జీటీ సూచన