పుల్లూరుబండ లక్ష్మీనర్సింహ స్వామి సన్నిధిలో హరీశ్​ రావు

తెలంగాణ సంస్కృతి సంప్రదాయాలను ప్రతిబింబించేదిగా పుల్లూరుబండ జాతర నిలుస్తుందని మంత్రి హరీశ్​ రావు కొనియాడారు. స్వామి వారిని దర్శించుకున్న హరీశ్​ రావు.. ఎంపీ కొత్త ప్రభాకర్ రెడ్డితో కలిసి కల్యాణోత్సవానికి పట్టువస్త్రాలు సమర్పించారు.

సిద్దిపేట గ్రామీణ మండలంలోని పుల్లూరుబండ స్వయంభూ లక్ష్మీనర్సింహ స్వామిని మంత్రి హరీశ్​ రావు దర్శించుకుని ప్రత్యేక పూజలు నిర్వహించారు. స్వామి వారి కల్యాణోత్సవానికి ఎంపీ కొత్త ప్రభాకర్ రెడ్డితో పాటు పట్టువస్త్రాలు సమర్పించారు. ఉమ్మడి రాష్ట్రంలో నాటి పాలకులు తెలంగాణ దేవాలయాల అభివృద్ధిపై వివక్షత చూపారని మంత్రి విమర్శించారు.

తెలంగాణ రాష్ట్రం ఏర్పడ్డాక రూ. 2 కోట్ల 50 లక్షలతో పుల్లూరుబండ ఆలయాన్ని అన్ని రకాలుగా అభివృద్ధి చేస్తున్నామని తెలిపారు. రానున్న రోజుల్లో ఆలయాన్ని ఆధ్యాత్మిక, పర్యాటక క్షేత్రంగా తీర్చిదిద్దుతామని హామీ ఇచ్చారు.