సిద్దిపేట జిల్లాలో ఉచిత మందుల పంపిణీ

సిద్దిపేట జిల్లా అరెపల్లెలో గొర్రె, మేకలలో నట్టల నివారణకు రాష్ట్ర ప్రభుత్వం ఉచిత మందులను పంపిణీ చేస్తుంది. ఈ కార్యక్రమాన్ని హుస్నాబాద్​ ఎమ్మెల్యే సతీశ్​ కుమార్​ ప్రారంభించారు.

సిద్దిపేట జిల్లా హుస్నాబాద్​లోని అరెపల్లెలో గొర్రెలకు, మేకలకు నట్టల నివారణ కోసం తెలంగాణ ప్రభుత్వం అందిస్తున్న ఉచిత మందుల పంపిణీ కార్యక్రమాన్ని స్థానిక ఎమ్మెల్యే సతీశ్​ కుమార్ ప్రారంభించారు. వర్ష కాలంలో నట్టల నివారణ వలన గొర్రెల్లో రోగ నిరోధకత పెరిగి.. పునరుత్పత్తి పెరుగుతుందని వైద్యాధికారులు తెలిపారు. 1962 సర్వీస్ నెంబర్​కి ఫోన్ చేస్తే అంబులెన్స్​తో సహా పశు వైద్యులు వచ్చి.. జబ్బు పడిన గొర్రెలు, పశువులకు చికిత్స అందిస్తారన్నారు. ఆగస్టు నుంచి లబ్ధిదారులకు గొర్రెలు పంపిణీ చేస్తామని ఎమ్మెల్యే సతీశ్​ కుమార్​ తెలిపారు.

ఇవీ చూడండి: 'కామాంధుడిని నడిరోడ్డుపై ఎన్​కౌంటర్​ చేయాలి'