'బయటకొస్తే డ్రోన్​కెమెరాలు పట్టిస్తాయి'

ప్రజలు లాక్​డౌన్​ నిబంధనలు ఉల్లంఘించకుండా సిద్దిపేట జిల్లా హుస్నాబాద్​ పోలీసులు డ్రోన్​ కెమెరాలతో పర్యవేక్షిస్తున్నారు.

సిద్దిపేట జిల్లా హుస్నాబాద్​లో లాక్​డౌన్​ నిబంధనలు కచ్చితంగా అమలయ్యేలా పోలీసులు డ్రోన్​కెమెరాలతో పర్యవేక్షిస్తున్నారు. హుస్నాబాద్​తో పాటు పక్కనున్న గ్రామాల్లోనూ లాక్​డౌన్​ అమలును నిరంతరం పరిశీలిస్తున్నారు.

ప్రతిరోజూ డ్రోన్​ కెమెరాల ద్వారా హుస్నాబాద్​ పరిసర ప్రాంతాలను పర్యవేక్షిస్తున్నామని, ఎవరైనా లాక్​డౌన్​ నిబంధనలు ఉల్లంఘించినట్లైతే కఠిన చర్యలు తీసుకుంటామని ఎస్సై సుధాకర్​ హెచ్చరించారు. ప్రజలు ఇళ్లలో నుంచి బయటకు రాకుండా తమకు సహకరించాలని విజ్ఞప్తి చేశారు.