నిర్లక్ష్యంగా పడేసిన హరితహారం మొక్కలు

రాష్ట్ర ప్రభుత్వం ప్రతిష్ఠాత్మకంగా చేపట్టిన హరితహారం కార్యక్రమం పలు చోట్ల అధికారుల నిర్లక్ష్యంతో నేలపాలవుతోంది. నాటడానికి తెచ్చిన సుమారు 100 మొక్కలు నిర్లక్ష్యంగా వదిలేశారు.

సిద్దిపేట జిల్లా కోహెడ మండలం శనిగరం గ్రామంలో పల్లె ప్రకృతి వనంలో స్థానిక గ్రామ పంచాయతీ నర్సరీ నుంచి నాటడానికి తెచ్చిన సుమారు 100 మొక్కలు అలాగే వదిలేశారు. దీనితో ఆ మొక్కలు పూర్తిగా ఎండిపోయాయి.

పల్లె ప్రకృతి వనంలో నాటాడానికి తెచ్చిన మొక్కలు ఇలా నిర్లక్ష్యంగా పడేయడం విమర్శలకు దారి తీస్తోంది. ప్రభుత్వం ప్రతిష్ఠాత్మకంగా చేపట్టిన కార్యక్రమాన్ని అధికారులు, ప్రజా ప్రతినిధులు ఈ విధంగా నిర్లక్ష్యం చేయడం ఏంటని పలువురు చర్చించుకుంటున్నారు.

• ఇదీ చదవండి :భువనేశ్వర్ నుంచి తెలంగాణకు ఆక్సిజన్