మత సామరస్యానికి ప్రతీక... మొహర్రం వేడుక

సిద్దిపేట జిల్లా బస్వాపూర్​, నాగ సముద్రాల గ్రామాల్లో మొహర్రం వేడుకలు ఘనంగా జరిగాయి. కొవిడ్ నిబంధనలను పాటిస్తూ.. హిందువులు, ముస్లింలు కలిసి వేడుకలను నిర్వహించారు.

సిద్దిపేట జిల్లా కోహెడ మండలం బస్వాపూర్, నాగ సముద్రాల గ్రామాల్లో మొహర్రం వేడుకలు ఘనంగా నిర్వహించారు. కొవిడ్ నిబంధనలను పాటిస్తూ.. ఉత్సవాలను నిరాడంబరంగా జరుపుకున్నట్లు ఉత్సవ నిర్వాహకులు తెలిపారు.

హిందూ-ముస్లింల మత సామరస్యానికి ప్రతీకగా మొహర్రం వేడుకలు ప్రతి సంవత్సరం ఎంతో ఘనంగా జరిగేవి. కరోనా నేపథ్యంలో ఈసారి తక్కువ మందితోనే వేడుకలను నిర్వహించారు. ఈ సందర్భంగా ముస్లింలు, హిందువులు కలిసి డప్పులు వాయిస్తూ పీర్లతో నృత్యాలు చేశారు. అనంతరం పీర్లకు గురకలు వేసి మొక్కులు చెల్లించుకున్నారు.

ఘనంగా మొహర్రం వేడుకలు