సిద్దిపేట జిల్లా మిరుదొడ్డికి చెందిన కుమ్మరి దేవయ్య, మురళిలకు గ్రామంలోని 1452 సర్వే నంబరులో ఏడెకరాల భూమి ఉంది. ఇందుకు సంబంధించి పట్టాదారు పాసు పుస్తకాలు తమ పేరిట ఉన్నా.. అదే ఊరికి చెందిన తండ్రీకొడుకులు మద్దెల కిష్టయ్య, నర్సింలు ఆక్రమించి సాగు చేసుకుంటున్నారని గతంలో ఠాణాలో ఫిర్యాదు చేయడమే కాకుండా.. సిద్దిపేట కోర్టులో కేసు వేశారు. ఆ భూమి తమకు చెందినదేనని.. సాగు చేసుకోవచ్చని కోర్టు తీర్పు ఇచ్చిందని దేవయ్య, మురళి చెప్పారు.
పోలీసుల రక్షణలో భూమిని స్వాధీనం చేసుకోవాలని భావించిన బాధితులిద్దరూ శుక్రవారం ఏసీపీ రామేశ్వర్‌కు విన్నవించారు. ఆయన పరిశీలించి.. తండ్రీకొడుకులు సాగు చేస్తున్నందున ఆ భూమి వారికే దక్కుతుందని చెప్పి వెళ్లిపోయారు. పోలీస్స్టేషన్ వద్దకు బాధితులిద్దరూ వచ్చి మనస్తాపంతో ఒంటిపై డీజిల్‌ పోసుకొని ఆత్మహత్యాయత్నానికి పాల్పడ్డారు.