తమ భూసమస్యను పరిష్కరించాలని యువరైతు ఆందోళన

తమ భూసమస్యను పరిష్కరించాలని కోరుతూ సిద్దిపేట జిల్లా కేంద్రంలో ఓ యువరైతు ఫుట్​ ఓవర్​ బ్రిడ్జి ఎక్కి ఆందోళన చేపట్టాడు. తహసీల్దార్​, వీఆర్వోలు పట్టా పుస్తకాల కోసం లంచం అడుగుతున్నారని ఆవేదన వ్యక్తం చేశాడు. పోలీసుల జోక్యం చేసుకుని పట్టా పుస్తకాలు ఇప్పిస్తామని హామీ ఇవ్వడంతో కిందకు దిగాడు.

సిద్ధిపేట జిల్లా కేంద్రంలో తమ భూసమస్యను పరిష్కరించాలని, పట్టా పుస్తకాలు ఇవ్వాలని ఓ యువరైతు ఆత్మహత్యాయత్నం చేశాడు. సిద్దిపేట జిల్లా మద్దూరు మండలం తోర్నాల గ్రామానికి చెందిన యువరైతు సామ్రాట్... తహసీల్దార్​, వీఆర్వోలు తమ పట్టా పాసు పుస్తకాలు ఇవ్వడం లేదని, లంచం అడుగుతున్నారని సిద్దిపేట కలెక్టరేట్​ సమీపంలోని ఫుట్​ ఓవర్​ బ్రిడ్జి ఎక్కాడు. వెంటనే తమ భూసమస్యను పరిష్కరించాలని.. లేకుంటే ఆత్మహత్య చేసుకుంటానని ఆందోళన చేపట్టాడు.

ఎమ్మార్వో, వీఆర్వో లంచం అడుగుతున్న ఫోన్​ సంభాషణను బయటపెట్టాడు. ఈ విషయం తెలుసుకున్న పోలీసులు అక్కడకి చేరుకుని సామ్రాట్​తో మాట్లాడారు. అధికారులతో మాట్లాడి తమ పట్టా పాసు పుస్తకాలు ఇప్పిస్తామని హామీ ఇవ్వడం వల్ల సామ్రాట్​ కిందకు దిగి రావడంతో అందరూ ఊపిరిపీల్చుకున్నారు.

ఇవీ చూడండి: 'స్వచ్ఛందంగా ప్లాస్మాదానం చేయండి... బాధితుల ప్రాణం కాపాడండి'