మత్స్యకారులకు మంచి రోజులొచ్చాయి: హరీశ్రావు
మత్స్యకారులకు మంచి రోజులొచ్చాయని మాజీ మంత్రి, సిద్దిపేట ఎమ్మెల్యే హరీశ్రావు అన్నారు. రాష్ట్ర ప్రభుత్వం పంపిణీ చేసిన చేప పిల్లలను జిల్లా కేంద్రంలో కోమటి చెరువులో ఆయన విడిచిపెట్టారు. ఉమ్మడి మెదక్ జిల్లాలో వర్షాలు సరిగా కురవకపోవడం వల్ల చెరువులు నిండలేదని.. దసరా నాటికి కాళేశ్వరం జలాలతో అన్ని చెరువులను నింపుతామన్నారు. మత్స్యశాఖ అధికారులు చేపపిల్లలను పంపిణీ చేసేందుకు సిద్ధంగా ఉండాలని కోరారు. మత్య్సకారులు కూడా సొంతంగా వ్యాపారాలు చేసుకోవాలని సూచించారు. అవసరమైన సాయం చేసేందుకు సిద్ధంగా ఉన్నట్లు తెలిపారు.